Лукашэнка — пра ўдзельнікаў пратэстаў: знойдзем кожнага
"І кожны адкажа за свае дзеянні", — заявіў ён у аўторак падчас кадравых прызначэнняў.
20 кастрычніка падчас кадравых прызначэнняў Аляксандр Лукашэнка ў чарговы раз выказаўся пра пратэсты, якія працягваюцца найперш у Мінску. "Мы ў спакойным рэжыме знойдзем кожнага! — гаварыў ён. — Сучасныя сродкі дазваляюць гэта рабіць, што мы, дарэчы, і робім. І кожны адкажа за свае дзеянні".
Лукашэнка падкрэсліў, што яго словы — не пагроза, ідзе пастаянная праца і яна "дае пэўны эфект". Тым не менш, пратэсты працягваюцца і пратэстоўцы "паводзяць сябе нахабна", лічыць ён.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.