Вы тут

Лукашэнка і Мядзведзеў не сустрэліся "з-за шчыльнага графіка"

Лукашэнка падчас сустрэчы з Пуціным / kremlin.ru

Аляксандр Лукашэнка і намеснік старшыні Саўбеза РФ Дзмітрый Мядзведзеў не сустрэліся ў Сочы "з-за шчыльнага графіка". Але яны паразмаўлялі па тэлефоне і дамовіліся сустрэцца пазней. Пра гэта паведамляе ria.ru са спасылкай на сакратарыят Мядзведзева.

22 лютага Лукашэнка шэсць гадзін правёў з Уладзімірам Пуціным. Перад іх сумесным абедам тэлеграм-канал @pul_1 паведаміў, што да яго далучыцца і Дзмітрый Мядзведзеў. Але гэта абверг прэс-сакратар прэзідэнта Расіі Дзмітрый Пяскоў. "Мядзведзеў усё ж такі не прыехаў", — прызнала пасля прэс-служба Лукашэнкі.

Варта нагадаць, што сёлета Дзмітрый Мядзведзеў зноў загаварыў пра адзіную валюту Беларусі і Расіі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.