Луцкі: часопісы "Полымя", "Нёман", "Маладосць" выведуць з холдынгу "Звязда"

Міністэрства інфармацыі вырашыла перафарматаваць друкаваныя СМІ. Гаворка пра гэта ішла на калегіі Мінінфарма, дзе падводзіліся вынікі 2020 года.

Міністр Ігар Луцкі заявіў, што друкаваная прэса павінна сысці ад навінавага кантэнту і заняцца расследаваннямі ды аналітыкай. Увогуле ж дзяржаўныя выданні павінны рабіць акцэнт на інтэрнэт-вяшчанні, працы ў сацыяльных сетках і месенджарах, перадае БЕЛТА.

"Лічу, холдынг "Звязда" павінен памяняць фармат працы: яны павінны вярнуцца ў рэчышча грамадска-палітычнай інфармацыі. У гэтай сувязі мы пераводзім літаратурныя часопісы "Полымя", "Нёман", "Маладосць" у выдавецтва "Мастацкая літаратура", — заявіў Луцкі.

Змены плануюцца і ў дзейнасці рэгіянаьных выданняў. Іх міністр хоча таксама з'яднаць у холдынгі: "Раённую прэсу неабходна падпарадкаваць альбо наўпрост аблвыканкамам, альбо стварыць холдынгі на базе абласных газет. Гэта дазволіць аптымізаваць выдаткі, у некаторай ступені развязаць рукі журналістам".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.