Вы тут

Культавага дызайнера Wiecier Mechaniczny забіралі ў фінансавую міліцыю

Анатоль Лазар / svaboda.org

У Мінску затрымлівалі дызайнера Анатоля Лазара, вядомага як Wiecier Mechaniczny.

Зранку 13 студзеня яго забралі ў фінансавую міліцыю разам з камп'ютарам. Жонцы Лазара сказалі, што правяраюць, ці заплаціў ён падаткі. Пазней вызвалілі.

Анатоль Лазар — дырэктар студыі "Адліга". Пад псеўданімам Wiecier Mechaniczny ён працаваў над дзясяткамі вядомых беларускіх праектаў — ад цішотак да сайтаў. Сярод іншага ён аўтар вокладкі кнігі "Беларуская нацыянальная ідэя", якую выдалі рэдактар Еўрарадыё Зміцер Лукашук і філосаф Максім Гаруноў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.