Крышціяну Раналду паўтарыў рэкорд па колькасці галоў

Крышціяну Раналду паўтарыў рэкорд па колькасці галоў у афіцыйных матчах. Іх ён забіў ужо 759. Столькі ж на рахунку чэха Ёзэфа Біцана, які скончыў кар'еру гульца ў 1955-м. 35-гадовы Раналду ж можа ўстанавіць новы абсалютны рэкорд.

759-ы гол Крышціяну Раналду забіў у матчы "Ювентуса" з "Сасуола" (3:1). Ён зрабіў гэта ўжо ў даданыя да асноўнага часу хвіліны.

У чэмпіянаце Італіі лідыруе з 40 ачкамі "Мілан", "Ювентус" з 33 ачкамі займае 4-е месца і мае матч у запасе.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.