"Крумкачы" збіраюць сродкі для рэабілітацыі Юрыя Турэйкі
"Крумкачы" збіраюць сродкі для рэабілітацыі Юрыя Турэйкі. У камерцыйнага дырэктара футбольнага клуба паўтара месяцы таму проста на матчы, які ён каментаваў, здарыўся інсульт. Са стадыёна яго забрала "хуткая". У бальніцы здарыўся яшчэ адзін інсульт, а пасля і інфаркт. Два тыдні Турэйка быў у коме, месяц — у рэанімацыі.
"Юра — вельмі моцны чалавек, ён любіць жыццё, і ён выжыў, — піша прэс-служба "Крумкачоў". — Цяпер Юра ў прытомнасці, можа гаварыць... Яго чакае цяжкі час рэабілітацыі".
Каманда вырашыла дапамагчы сям'і Юрыя Турэйкі і зрабіць матч 1/16 фіналу Кубка Беларусі 22 чэрвеня з "Іслаччу" дабрачынным. Усе сродкі, выручаныя ад продажу квіткоў, перададуць на яго рэабілітацыю.
Мы хочам дапамагчы Юры і вырашылі Кубкавы матч з «Іслаччу» зрабіць дабрачынным - усе сродкі, атрыманыя ад продажу квіткоў адправім сям'і Юрыя.
— НФК «Крумкачы» (@krumkachy) June 16, 2022
Для гэтай мэты разам са стандартнай цаной на білеты будзе ўстаноўлены спецыяльны кошт - 20 рублёў.https://t.co/o6zQkJ964g
