Круглянскім раёнам будзе кіраваць экс-начальнік Шклоўскай калоніі

Сяргей Ермаліцкі / gomelisp.gov.by
Сяргей Ермаліцкі / gomelisp.gov.by

Новым старшынёй Круглянскага райвыканкама стаў Сяргей Ермаліцкі. Яго прызначылі 27 сакавіка з санкцыі Аляксандра Лукашэнкі.

Як высветліў сайт orsha.eu, Ермаліцкі — былы сілавік. Да 2015 года ён кіраваў Шклоўскай калоніяй, дзе ў той час сядзела шмат палітвязняў — напрыклад Мікалай Статкевіч і Зміцер Дашкевіч.

У 2015 годзе Ермаліцкага адправілі "на павышэнне" — ён стаў кіраўніком аддзела выканання пакаранняў па ўсёй Гомельскай вобласці. У верасні 2020 года яго прызначылі кіраўніком Гомельскага райвыканкама.

Журналісты мяркуюць, што з гэтай пасадай Ермаліцкі не справіўся, бо з даволі забяспечанага Гомельскага раёна яго перакінулі ў вельмі бедны Круглянскі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі