Крэсла дэкана ФМА БДУ пасля Шадурскага заняла Алена Дастанка

Крэсла дэкана ФМА БДУ пасля Шадурскага заняла Алена Дастанка

Дэканам факультэта міжнародных адносін БДУ з сённяшняга дня стала Алена Дастанка. Яе прадставілі факультэту на наступны дзень пасля зняцця папярэдняга дэкана Віктара Шадурскага, піша "Наша Ніва". 

Алене Дастанка нарадзілася ў 1973 годзе. Яна кандыдат палітычных навук, абараняла дысертацыю па тэме №Еўрапейская супольнасць дзяржаў як міжнародная сістэма: працэсы рэструктурызацыі на рубяжы XX-XXI стагоддзяў". Апошнім часам працавала ў рэктараце БДУ.

На знак жалобы з нагоды сыходу Шадурскага многія студэнты факультэта сёння прыйшлі на заняткі ў чорным. 

Як распавядала Еўрарадыё, Віктар Шадурскі напісаў заяву на звальненне 3 сакавіка. Па яго словах, гэта адбылося "пасля размовы", аднак ён не здакладніў з кім. 

Шадурскі кіраваў факультэтам міжнародных адносін БДУ з 2008 года.Увосень 2020-га ён прыязджаў да РУУС, калі затрымлівалі студэнтаў факультэта. У снежні 2020-га на пляцоўцы "Мінскага форуму" Шадурскі заявіў, што беларускія ўлады перакладаюць адказнасць за абвастрэнне ўнутраных праблем на знешнія сілы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі