Крэмль хітра выказаўся пра пазбаўленне Мінска чэмпіянату свету па хакеі

Крэмль хітра выказаўся пра пазбаўленне Мінска чэмпіянату свету па хакеі

Крэмль шкадуе, што Беларусь пазбавілі права праводзіць сёлетні чэмпіянат свету па хакеі. Пра гэта заявіў прэс-сакратар расійскага прэзідэнта Дзмітрый Пяскоў. Пры гэтым ён выказаўся, што такое рашэнне было вымушаным.

"Мы, безумоўна, можам толькі шкадаваць, што такія рашэнні давялося прыняць", — перадае ТАСС яго словы. 

Пры гэтым Пяскоў падкрэсліў, што Расія знаходзіцца з Міжнароднай федэрацыяй хакея ў "вельмі канструктыўных адносінах" і намераная надалей іх падтрымліваць. 

Журналісты запыталіся, ці прапануе Расія, каб ІІХФ правяла чэмпіянат на яе тэрыторыі. На гэта прэс-сакратар Пуціна заявіў, што з такой ініцыятывай мусіць звярнуцца сама федэрацыя, бо яна прымае рашэнні. 

Пра перанос хакейнага чэмпіянату з Беларусі стала вядома 18 студзеня. Прычынай назвалі сітуацыю з бяспекай у нашай краіне. Перад гэтым шэраг міжнародных кампаніяў заявілі, што не будуць спансіраваць турнір, калі ён пройдзе ў Беларусі. 

Кіраўнік беларускай Федэрацыі Дзмітрый Баскаў абвінаваціў прадстаўнікоў фонду салідарнасці спартоўцаў, што яна забралі спартовае свята ў дзяцей, і назваў іх здраднікамі. Дарэчы, супраць самога Баскава ідзе расследаванне ІІХФ па падазрэнні ў тым, што ён парушыз правілы федэрацыі. У тым ліку яго падазраюць у прысутнасці на Плошчы Перамен, калі там быў смяротна збіты Раман Бандарэнка.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі