"Кожны тыдзень я змагаюся з надпісам "Царь ненастоящий"
5-я бальніца горада Мінска / 5gkb.103.by
Раз на тыдзень Дзмітрый Рослік, намеснік галоўнага доктара па гаспадарчай частцы 5-й бальніцы Мінска, бярэ ў рукі пэндзаль, фарбы і ідзе да адной з бальнічных сцен.
"Кожны тыдзень я змагаюся з надпісам "Царь ненастоящий". Кожны тыдзень я яго зафарбоўваю. І кожны тыдзень ён з'яўляецца зноў", — расказвае ён Еўрарадыё.
Мы патэлефанавалі яму, каб даведацца падрабязнасці пра відэа, якое 28 верасня было апублікавана ў "Твітэры" адной з супрацоўніц бальніцы. У апісанні пазначана, што галоўны доктар са сваімі намеснікамі правярае асабістыя рэчы супрацоўнікаў на прадмет наяўнасці БЧБ-сімволікі.
Возможно, меня за это уволят, но.
— реанимационная штучка против насилия (@mal_mars) September 28, 2020
Главный врач пятой больницы города Минска совместно со своими заместителями проверяет личные вещи сотрудников на предмет наличия бчб-символики. pic.twitter.com/XDJTJ8T77J
Галоўнага доктара Міхаіла Назарчука на месцы не аказалася. А загадчык гаспадаркі сказаў, што пра відэа і пра праверку асабістых рэчаў нічога не ведае. І падзяліўся гісторыяй сваёй асабістай барацьбы за чысціню, якую парушаюць прыхільнікі перамен.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
