ІІХФ заплаціць Беларусі за перанос чэмпіянату свету па хакеі

ІІХФ заплаціць Беларусі за перанос чэмпіянату свету па хакеі

Міжнародная федэрацыя хакея (ІІХФ) выплаціць Беларусі кампенсацыю за перанос чэмпіянату свету 2021 года. Пра гэта заявіў чалец савета ІІХФ Пётр Бржыза ў каментары чэшскім журналістам. 

Па яго словах, такая кампенсацыя дакладна прапісаная ў кантракце. 

"Мы чакаем аналізу і дакладу ад офіса генеральнага сакратара IIHF, у якім будуць вызначаны ўсе затраты і наступствы дадзенага рашэння. Мы атрымаем гэтую інфармацыю ў бліжэйшыя тыдні. Цяпер дакладную суму ніхто не назаве", — цытуе TUT.by адказ Бржызы.

Ён таксама паведаміў, што разглядаюцца тры варыянты замены Мінска — Данія, Славакія і Латвія (якая мусіла праводзіць ЧС разам з Беларуссю). 

"Аднак у Рызе для гэтага неабходна пабудаваць часовую арэну. Усё гэта стане часткай перамоў у бліжэйшыя дні. IIHF звязана шэрагам абавязацельстваў. Іх неабходна выконваць, каб не падвяргаць небяспецы фінансавую стабільнасць Федэрацыі", — тлумачыць Бржыза.

Ён дадаў, што выдаткі на рэзервовы варыянт чэмпіянату даведзецца аплочваць самой Федэрацыі хакея. 

18 студзеня ІІХФ пастанавіла перанесці чэмпіянат свету 2021 года ў іншую краіну "праз пытанні бяспекі, якія знаходзяцца па-за кантролем ІІХФ".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі