Хакеры з Беларусі і Украіны вынайшлі просты і геніяльны спосаб красці грошы

Ахвярамі ашуканцаў сталі некалькі сотняў чалавек, якія страцілі 1,5 млн злотых (394 тысяч долараў)
Ахвярамі ашуканцаў сталі некалькі сотняў чалавек, якія страцілі 1,5 млн злотых (394 тысяч долараў)

Паліцыя польскага горада Катавіцы затрымала 19 хакераў з Украіны і Беларусі. Ахвярамі ашуканцаў сталі некалькі сотняў чалавек, якія страцілі 1,5 млн злотых (394 тысяч долараў). "Яны ўдзельнікі арганізаванай злачыннай групы, якая спецыялізуецца на ўзломе банкаўскіх рахункаў і крадзяжы сабраных там сродкаў", расказвае прэс-сакратар паліцыі Катавіцаў Аляксандр Навара.

Па версіі следства, затрыманыя мужчыны са снежня 2020 па красавік 2021 года адправілі 280 тысяч смс з нявінным зместам: "Ваша пасылка была затрыманая праз недаплату ў памеры 0,50 злотага. Выбачайце за нязручнасці. Калі ласка, аплаціце". Да паведамлення далучалася спасылка, якая аўтаматычна перанакіроўвала на сайт "банка".

Хакеры из Беларуси и Украины изобрели простой и гениальный способ красть деньги

Хакеры ведалі, што падчас пандэміі каранавіруса тысячы людзей заказваюць тавары ў інтэрнэце. Яны спадзяваліся, што кліенты, якія чакаюць пасылкі, адрэагуюць на эсэмэскі. І многія сапраўды пераходзілі па спасылцы. 

Пасля гэтага ахвяры хакераў страчвалі кантроль над сваімі банкаўскімі рахункамі. Ашуканцы пераводзілі іх грошы з захопленых рахункаў на свае. Таксама былі выпадкі, калі падазраваныя бралі на чужы рахунак пазыку і адразу ж пераводзілі грошы сабе.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі