Гурт РСП сёння правядзе анлайн-канцэрт. Ён быў запісаны за дзень да затрымання
Павал Гарадніцкі / З архіву Еўрарадыё
Гурт РСП сёння правядзе анлайн-канцэрт. Паглядзець яго можна на YouTube ў 20:00.
Гурт вырашыла выступіць у рамках онлайн-фестывалю "Артысты Перамогі", але для падстрахоўкі вырашыла не запісваць канцэрт онлайн, а запісацца загадзя. Праз дзень, 13 лютага, артыстаў затрымалі на канцэрце на турбазе пад Смалявічамі.
Як паведамляла міліця, яны "перасеклі несанкцыянаванае масавае мерапрыемства з выкарыстаннем бчб-сімволікі". "Пад выглядам музычнай вечарыны на аздараўленчай базе каля Смалявічаў сабраліся актывісты дэструктыўных тэлеграм-каналаў" — паведамляла прэс-служба МУС.
Усяго былі затрыманыя 68 чалавек, сярод якіх удзельнікі групы, уключаючы фронтмэнаў Дзяніса Тарасенкі і Паўла Гарадніцкага, менеджарка каманды Настасся Доль, спявачка LEAR, удзельнікі гуртоў Panska Moc і Ok-Band.
Усе ўдзельнікі групы РСП атрымалі 15 сутак і выйдуць заўтра, 28 лютага.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
