Вы тут

Гулак: краіна, у якой усім ёсць месца і дзе правы кожнага абароненыя, — мая ідэя

Алег Гулак / Еўрарадыё

15 сакавіка ў эфіры Еўрарадыё — праваабаронца, старшыня Беларускага Хельсінкскага камітэта Алег Гулак.

Беларусь павінна стаць краінай, у якой яе грамадзянам прыемна жыць. А гэтага немагчыма дасягнуць без забеспячэння такіх базавых рэчаў, як правы чалавека, павага да меркавання кожнага, справядлівы суд і магчымасць абскардзіць любое рашэнне любога дзяржаўнага органа, перакананы Алег Гулак.

Пра тое, ці магчыма зрабіць так, каб прынятае рашэнне задаволіла ўсіх, і якое дачыненне да правоў чалавека маюць гісторыя, культура, мова і незалежнасць, мы і разважаем у праграме “Ідэя Х” з Алегам Гулаком

Набыць кнігу "Беларуская нацыянальная ідэя" (PDF) можна тут

Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.

Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.

Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?

На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.

Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.

Праграма выходзіць штотыдзень у панядзелак і чацвер у 14:00.

Партнёры праграмы — крама з нацыянальным каларытам Symbal.by і грамадская кампанія "Годна".

Папярэднія выпускі праграмы "Ідэя Х" можна глядзець тут:

Нацыянальная ідэя

 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.