Грузія выказала пратэст за візіт Лукашэнкі ў Абхазію

Аляксандр Лукашэнка на сустрэчы з Асланам Бжанія / apsnypress.info

Беларускага амбасадара ў Тбілісі Анатоля Ліса выклікалі ў МЗС Грузіі. Прычынай стаў візіт Аляксандра Лукашэнкі ў Абхазію, пра які сёння паведамілі СМІ.

Тбілісі вельмі ўстрывожаны візітам кіраўніка Беларусі і яго сустрэчай з прадстаўнікамі акупацыйнга рэжыму, перадае прэс-служба МЗС Грузіі. Тбілісі патрабуе ад Мінска дадатковых тлумачэнняў.

Афіцыйны Мінск не прызнаваў незалежнасць Абхазіі і Паўднёвай Асеціі, абвешчаных у 2008 годзе пасля прыходу туды расійскіх войскаў. Але не так даўно Лукашэнка паведаміў, што прызнае іх пры неабходнасці.

Ягоны візіт у Абхазію першы. Раней, у чэрвені, тут пабываў яго спецпрадстаўнік Віктар Шэйман.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.