Грузавік гуманітарнай дапамогі з Польшчы не пускаюць у Беларусь
Фура гуманітарнай дапамогі / tysol.pl
Беларускія памежнікі заявілі, што на груз няма ўсіх неабходных дакументаў.
Фуру з 20 тонамі дапамогі, якую ў Польшчы сабралі для беларускіх пратэстоўцаў, не пускаюць у Беларусь. Грузавік ужо 12 гадзін чакае дазволу на ўезд у Беларусь, паведамляе кіраўнік офіса польскага прэм'ера Міхал Дворчык.
На беларускай мяжы палічылі, што на польскі груз у перавозчыкаў не хапае ўсіх неабходных дакументаў. Міхал Дворчык запэўнівае, што яны ёсць.
Гуманітарную дапамогу беларусам сабраў прафсаюз "Салідарнасць". У асноўным у грузавіку прадукты. "Салідарнасць" запусціла праграму дапамогі Беларусі і вылучыла на яе 1 мільён злотых.
— Як прафсаюз мы абавязаныя дапамагчы гэтак жа, як 40 гадоў таму нам дапамагалі іншыя людзі з усяго свету, калі мы змагаліся за свабоду і дэмакратыю, — сказаў Марэк Левандоўскі, сябра прафсаюза "Салідарнасць".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.