Грамадзян ЗША заклікалі неадкладна пакінуць Расію
Чарга аўтамабіляў на расійскай мяжы / reuters.com
Амерыканская амбасада ў Маскве заклікала грамадзян ЗША неадкладна пакінуць Расію. У паведамленні гаворыцца пра тое, што "грамадзяне ЗША павінны адмовіцца ад паездак у Расію, а тыя, хто пражывае або падарожнічае цяпер у Расіі, павінны неадкладна пакінуць краіну, пакуль застаюцца абмежаваныя магчымасці для выезду на прыватнай аснове".
Такі крок звязваецца з аб'яўленнем мабілізацыі ў РФ і магчымасцю прызыву асоб з двайным грамадзянствам.
Раней Балгарыя, Польшча і Эстонія папрасілі сваіх грамадзян пакінуць тэрыторыю РФ.
