Гомельскі доктар выкінуўся з акна бальніцы

Трагічнае здарэнне адбылося ў гомельскай бальніцы хуткай меддапамогі. Там з акна лякарні выкінуўся 42-гадовы лекар-анестэзіёлаг, піша "Гомельская праўда".

Здарэнне адбылося ў 00:10 у ноч з 18 на 19 красавіка. Адзначаецца, што трагедыя здарылася не падчас працоўнай змены доктара і не на яго працоўным месцы.

Мяркуецца, што мужчына скончыў жыццё самагубсівам. Па факце смерці ідзе праверка, заявіла афіцыйная прадстаўніца УСК па Гомельскай вобласці Марыя Крываногава.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.