Генпракуратура пачала дзве крымінальныя справы на экс-пракурора Талерчыка

Алег Талерчык / Белсат
Алег Талерчык / Белсат

Генпракуратура пачала дзве крымінальныя справы на экс-пракурора Алега Талерчыка. Як паведамляе прэс-служба ведамства, яго падазраюць у садзейнічанні экстрэмісцкай дзейнасці і распальванні сацыяльнай варожасці і варажнечы.

Нагодай стала інтэрв'ю, якое Талерчык даў тэлеканалу "Белсат". Ён выказваўся аб прыцягненні да крымінальнай адказнасці беларускіх сілавікоў, якія засталіся працаваць пасля выбараў 2020 года, правядзенні сярод іх "люстрацыі", а таксама разважаў пра сваё вяртанне з-за мяжы са зброяй у руках.

Расследаваць крымінальныя справы будзе Следчы камітэт.

Алег Талерчык — экс-пракурор, які пакінуў службу ў 2020 годзе. Быў адным з заснавальнікаў арганізацыі былых сілавікоў BYPOL. У сярэдзіне кастрычніка 2022-га заявіў пра сыход з арганізацыі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі