Вы тут

Футбалісты "Смаргоні" і "Нёмана" правялі матч у вялікай лужы

Лужа на стадыёне ў Смаргоні / bytribuna.global.ssl.fastly.net

У Смаргоні прашоў першы матч восьмага туру чэмпіянату Беларусі па футболе. Тут мясцовыя футбалісты прымалі ў гасцях гродзенскі "Нёман". 

Гульня адбывалася пад дажджом. Дрэнажная сістэма не справілася, і на полі сталі ўтварацца лужы. Самая вялікая лужа з'явілася на правым краі поля каля трыбунаў. Перыядычна футбалісты гулялі проста ў ёй.

У перапынку работнікі стадыёна паспрабавалі ў тры рыдлёўкі асушыць лужу, але вялікага поспеху не дасягнулі.

Гульня завяршылася перамогай "Нёмана" — 2:0. Гродзенскія футбалісты пакінулі перадапошняе месца ў турнірнай табліцы, на яго цяпер апусцілася "Смаргонь".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.