Вы тут

Фінскі клуб "Ёкерыт" не вылецеў з Хельсінкі на матч КХЛ у Мінску

Матч "Ёкерыт" — "Дынама-Мінск" у верасні 2019 года / БЕЛТА

Фінскі хакейны клуб "Ёкерыт" не вылецеў сёння з Хельсінкі ў Мінск, паведамляе РІА "Новости". У беларускай сталіцы ён мусіў удзельнічаць 3 верасня ў матчы КХЛ з мінскім "Дынама". 

Чакалася, што "Ёкерыт" сёння прыляціць на гульню і пасля яе адразу адправіцца назад. Аднак у аэрапорце Хельсінкі каманда так і  не з'явілася.

Напярэдадні фінская прэса і спартовая грамадскасць звярталіся да хакеістаў з прапановай адмовіцца ад візіту ў Мінск. На іх думку, матч у Мінску будзе выглядаць падтрымкай рэжыму Аляксандра Лукашэнкі і рэпрэсіяў супраць мірных пратэстоўцаў. Заўзятары нават узялі прыклад са сваіх мінскіх калег і адмовіліся наведваць хатнія матчы клуба.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.