Федэрацыя футбола і вышэйшая ліга адмовіліся ад Фэйсбука і Інстаграма
Беларуская федэрацыя футбола (АБФФ) і вышэйшая ліга адмовіліся ад Фэйсбука і Інстаграма. Гэткім чынам яны вырашылі адказаць на міжнародныя санкцыі.
Адпаведныя паведамленні АБФФ і "вышка" апублікавалі ў сваіх сацсетках пасля блакавання Фэйсбука і Інстаграма ў Расіі. У Беларусі гэтыя сацсеткі застаюцца даступнымі.
Ёсць неправераная інфармацыя, што прэс-сакратарам футбольных клубаў рэкамендавалі таксама адмовіцца ад названых сацсетак.
УЕФА забараніла зборнай Беларусі па футболе і клубам гуляць у міжнародных матчах на тэрыторыі нашай краіны.
