Еўропа стала ўразлівай перад "пагрозамі высокага ўзроўню" — Барэль
Жазэп Барэль / Reuters
Кіраўнік еўрапейскай дыпламатыі прызнаў наяўнасць сур'ёзных недахопаў у крытычна важных сферах абараназдольнасці ЕС.
Кіраўнік еўрапейскай дыпламатыі Жазэп Барэль прызнаў наяўнасць сур'ёзных недахопаў у крытычна важных сферах абараназдольнасці ЕС. У чацвер ён выступіў перад дэлегатамі штогадовай канферэнцыі Еўрапейскага абароннага агенцтва, якім кіруе. Паводле яго слоў, згаданыя недахопы робяць Еўропу ўразлівай перад "пагрозамі высокага ўзроўню". Барэль прывёў шэраг фактаў. Напрыклад, запасы зброі, якая пастаўляецца краінамі Еўрасаюза Украіне, вычэрпваюцца: "Тое, што мы накіроўваем Украіне, мы не бяром са складоў, а з нашых войскаў". Ён нагадаў, што еўрапейскі ваенна-прамысловы комплекс гадамі не атрымліваў належнага фінансавання.
У той жа час у выступе Жазэпа Барэля быў і пазітыў. Ён заявіў, што сітуацыя хутка паляпшаецца: "У 2021 годзе ўсе краіны ЕС выдаткавалі на абарону 214 млрд еўра, што на 6% больш, чым у 2020 годзе". Найбольшы рост выдаткаў на абарону прадэманстравалі Грэцыя, Італія, Славенія і Фінляндыя. Чакаецца, што рост абаронных выдаткаў працягнецца і ў наступныя гады.
#EUdefence spending surpasses €200 billion for first time, driven by record defence investments.
— European Defence Agency (@EUDefenceAgency) December 8, 2022
Spending by 26 states in 2021
€214 bn
6% increase on 2020
7th year of growth
€43 bn equipment procurement
1.5% GDP
18 states increased spending#EDAconf22
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.