Еўрасаюз зацвердзіў новыя санкцыі супраць Расіі
Паслы ЕС зацвердзілі новыя санкцыі супраць Расіі. Пяты санкцыйны пакет будзе апублікаваны ў пятніцу, 8 красавіка, пасля чаго набудзе моц.
Адзін з пунктаў санкцый датычыць і Беларусі.
Санкцыі ўключаюць:
— забарону імпарту вугалю;
— замарожванне рахункаў банкаў Расіі;
— забарону на пастаўку зброі ў Расію;
— забарону на заход у парты ЕС судоў пад расійскім сцягам;
— забарону экспарту высокатэхналагічных тавараў;
— забарону на дзейнасць транспартных кампаній з Расіі ды Беларусі;
— новыя абмежаванні супраць расійскіх бізнесоўцаў, журналістаў, вайскоўцаў і супрацоўнікаў службаў бяспекі.
