Экс-сілавіку ў Гродне за "здраду дзяржаве" прысудзілі 10 гадоў калоніі

Андрэй Шкляр / t.me/viasna96
Андрэй Шкляр / t.me/viasna96

Былога сілавіка Андрэя Шкляра асудзілі на 10 гадоў калоніі ўзмоцненага рэжыму. Таксама палітвязень павінен выплаціць штраф у 7400 рублёў (200 базавых велічыняў).

Такое рашэнне прыняў суддзя Васіль Скок з Гродзенскага абласнога суда, пішуць праваабаронцы "Вясны".

Шкляда вінавацілі паводле двух артыкулаў Крымінальнага кодэкса — ч. 1 арт. 356 (здрада дзяржаве) і арт. 407 (разгалошванне даных папярэдняга следства ці закрытага судовага пасяджэння). Суд над ім быў закрытым, таму падрабязнасці невядомыя.

Паведамляецца, што Шкляр працаваў інспектарам крымінальна-выканаўчай сістэмы Кастрычніцкага РАУС Гродна. Незадоўга да арышту ён падаў рапарт на звальненне, матывуючы нязгодай з тым, як працуе сістэма.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі