Дзяржстандарт — пра прыпынены продаж самай папулярнай мадэлі Škoda

Чыноўнікі з Дзяржстандарта сцвярджаюць, што да кампаніі Škoda ў іх няма асаблівага стаўлення. У чацвер на яго сайце з'явілася паведамленне пад загалоўкам "У мадэлі ŠKODA RAPID выяўлена неадпаведнасць звестак у суправаджальным дакуменце і непасрэдна ў транспартным сродку". Згадваецца дакумент, у якім было пазначана, што мадэль "выпрабоўвалася з сістэмай дапаможнага тармажэння (BAS)". А ў рэальнасці аўтамабіль прадаюць без яе.

"Акрамя таго, на транспартным сродку былі ўсталяваныя фары дзённага святла", адрозныя ад пазначаных у дакуменце. "Разыходжанні выяўлены і ў даных аб колькасці дзвярэй, экалагічным класе, іншых паказчыках", — гаворыцца ў заяве Дзяржстандарта.