Вы тут

Дудзінскі: каб нашы дзеці з гонарам казалі: “Я — беларус!”, такая мая ідэя

Дзяніс Дудзінскі / Еўрарадыё

30 лістапада ў эфіры Еўрарадыё — шоўмен, музыкант, вандроўнік Дзяніс Дудзінскі.

Пры слове “італьянец” мы адразу ўяўляем сабе вясёлага і імпульсіўнага чалавека, шведаў мы ўяўляем спакойнымі і разважлівымі, немцаў — пунктуальнымі і гэтак далей. А якія асацыяцыі з беларусам? На гэта пытанне не могуць адказаць не толькі замежнікі, але і самі беларусы, перакананы Дзяніс Дудзінскі. І толькі цяпер, кажа ён, мы ствараем той вобраз, з якім будзе асацыявацца беларус.

Пра тое, як зрабіць так, каб асацыяцыі былі толькі станоўчыя, каб самі беларусы з гонарам казалі: “Я — беларус!”, мы і разважаем у чарговым выпуску "Ідэі Х" з Дзянісам Дудзінскім.

Набыць кнігу "Беларуская нацыянальная ідэя" можна тут

Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.

Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.

Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?

На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.

Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.

Праграма выходзіць штотыдзень у панядзелак і чацвер у 14:00.

Партнёры праграмы — крама з нацыянальным каларытам Symbal.by і грамадская кампанія "Годна".

Папярэднія выпускі праграмы "Ідэя Х" можна глядзець тут:

Нацыянальная ідэя

 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.