Для паездкі ў Грузію больш не патрэбныя ПЛР-тэст або даведка пра вакцынацыю
У аэрапорце Тбілісі / news.ge
Для паездкі ў Грузію замежным грамадзянам больш не патрэбныя ПЛР-тэст на каранавірус альбо сертыфікат пра вакцынацыю. Урад краіны адмяніў гэтае патрабаванне. Адпаведную пастанову апублікавалі на сайце Заканадаўчага весніка Грузіі, і сёння яна ўступіла ў сілу.
"Любы чалавек, які прыбывае з любой краіны, вызваляецца ад абавязку прад'яўляць на тэрыторыі Грузіі пры перасячэнні мяжы дакумент, які пацвярджае праходжанне поўнага курсу вакцынацыі ад каранавіруса, або адмоўны вынік ПЛР-тэсту", — гаворыцца ў дакуменце.
Замежнікаў таксама вызвалілі ад неабходнасці сядзець на каранціне пры ўездзе ў Грузію.
