COVID-19 дабраўся да хакейнага "Дынама-Мінск"

COVID-19 дабраўся да хакейнага "Дынама-Мінск"

COVID-19 выявілі ў хакейным "Дынама-Мінск". Станоўчы вынік тэста атрымалі 8 чалавек з ліку хакеістаў, трэнераў і адміністратараў клуба.

Ніхто б ні пра што не даведаўся, калі б 1 кастрычніка перад апошнім матчам выяздной серыі "зубры" не былі вымушаныя здаць тэсты ў Рызе — перад матчам з тамтэйшым "Дынама". Гэтага патрабавала латвійскае заканадаўства. 

Людзей са станоўчымі тэстамі ізалявалі і вывезлі за межы Латвіі на спецтранспарце. Па вяртанні ў беларусь каманду пратэставалі паўторна. Станоўчы вынік далі тэсты ў пяці чалавек.

Як тут не прыгадаць словы Аляксандра Лукашэнкі, сказаныя на хакейным катку:

"Тут няма вірусаў ніякіх. Вось ты ж не заўважыла, што яны лётаюць? І я таксама не бачу. Гэтая лядоўня — гэта самае лепшае здароўе. Спорт, асабліва лёд, лядоўня гэтая — антывірусныя лекі, самыя сапраўдныя".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі