Ціхан замяніў Дзевятоўскага на пасадзе старшыні федэрацыі лёгкай атлетыкі

Ціхан замяніў Дзевятоўскага на пасадзе старшыні федэрацыі лёгкай атлетыкі

Іван Ціхан замяніў Вадзіма Дзевятоўскага на пасадзе старшыні Беларускай федэрацыі лёгкай атлетыкі. Датэрміновыя выбары новага кіраўніка адбыліся ў чацвер на пазачарговай канферэнцыі.

Ціхану 44 гады. Ён — прызёр Алімпійскіх гульняў, двухразовы чэмпіён свету. Нягледзячы на ўзрост, па-ранейшаму трэніруецца, жыве ў Гродне. Доўгія гады Іван Ціхан выступаў за зборную Беларусі разам з Вадзімам Дзевятоўскім, але ён з вялікім спортам ужо развітаўся. Цяпер развітаўся і з пасадай кіраўніка федэрацыі, спаслаўся на праблемы са здароўем.

Як паведамляла Еўрарадыё, 21 жніўня стала вядома, што былы дэпутат Палаты прадстаўнікоў, старшыня федэрацыі Вадзім Дзевятоўскі трапіў у бальніцу. Тэлеканал СТБ заявіў пра "нервовы зрыў". У той дзень Дзевятоўскі напісаў на сваёй старонцы ў Facebook: "Лукашэнка не мой прэзідэнт!!!".

Іван Ціхан прысутнічаў на таемнай інаўгурацыі Лукашэнкі. Апошні гэтым летам называў яго патрыётам.

Ціхан замяніў Дзевятоўскага на пасадзе старшыні федэрацыі лёгкай атлетыкі
Ціхан і Дзевятоўскі на канферэнцыі / @tribuna_by

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі