Чырвінскі: не будзь глорам — любі сваё больш, такая мая нацыянальная ідэя
24 снежня ў эфіры Еўрарадыё — былы старшы выкладчык кафедры тактыкі Вайсковай акадэміі падпалкоўнік запасу Віталь Чырвінскі.
Ці будзе беларуская армія бараніць Беларусь у выпадку ўзнікнення ваеннай пагрозы? Асабліва калі пагроза гэтая будзе ісці з боку ўсходняга суседа? Пытанні гэтыя складаныя і балючыя, кажа падпалкоўнік запасу Віталь Чырвінскі. Але сёння лепш не на гэтым зацыклівацца і не шукаць вінаватых, а рабіць усё магчымае для таго, каб наша армія была сапраўды беларускай.
Пра тое, якое месца ў падрыхтоўцы беларускіх вайскоўцаў павінна займаць веданне ваеннай гісторыі свайго народа, навошта нам мяняць форму і якой яна можа быць і пад якім сцягам мусіць стаяць беларуская армія на абароне Беларусі, мы і разважаем у праграме “Ідэя Х” з Віталём Чырвінскім.
Набыць кнігу "Беларуская нацыянальная ідэя" можна тут
Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.
Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.
Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?
На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.
Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.
Праграма выходзіць штотыдзень у панядзелак і чацвер у 14:00.
Партнёры праграмы — крама з нацыянальным каларытам Symbal.by і грамадская кампанія "Годна".
Папярэднія выпускі праграмы "Ідэя Х" можна глядзець тут:
Нацыянальная ідэя
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
