Чым сёння дыхае беларускае студэнцтва?
Беларускія студэнты масава ўдзельнічалі ў леташніх пратэстах — і масава пацярпелі ад рэпрэсій. Сотні прайшлі праз ізалятары, дзясяткі — праз крымінальныя справы. Гэта ўсё справакавала студэнцкую эміграцыю з краіны.
Ці супакоіліся беларускія студэнты, ці змірыліся са станам справаў, ці прынялі бравурную дзяржаўную ідэалогію ў моладзевай галіне? Як складваюцца лёсы тых, хто трапіў у эміграцыю, як яны ўзаемадзейнічаюць паміж сабой? Ці ёсць кантакт з тымі, хто застаўся ў краіне? Пра гэта ўсё размаўляем з актывісткай Задзіночання беларускіх студэнтаў, а цяпер сяброўкай Нацыянальнага моладзевага савета РАДА Дар'ей Рублеўскай.
