Былога галоўрэда "Борисовских новостей" затрымалі сілавікі

08/08/2022 - 17:13

У Барысаве затрымалі былога галоўнага рэдактара недзяржаўнай газеты "Борисовские новости" Анатоля Букаса і ягоную жонку.

Як паведамляе БАЖ, іх на стаянцы проста выцягнулі з машыны. Пасля гэтага дома ў Букасаў адбыўся ператрус.

Падчас затрымання сілавікі вінавацілі Букасаў у распаўсюдзе экстрэмісцкіх матэрыялаў. Мяркуецца, што заўтра адбудзецца суд над Анатолем Букасам. А ягоную жонку вызвалілі.

Як адзначае БАЖ, цяпер за кратамі знаходзяцца 30 прадстаўнікоў медыя.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.