Брэсцкі праваабаронца Уладзімір Вялічкін з'ехаў з Беларусі

Брэсцкі праваабаронца Уладзімір Вялічкін з'ехаў з Беларусі

Брэсцкі праваабаронца Уладзімір Вялічкін з'ехаў з Беларусі, паведамляе Радыё Свабода. Адбылося гэта праз тры дні пасля чарговых ператрусаў. Яшчэ раней выехалі за мяжу два яго валанцёры.

Вялічкін кажа, што рашэнне аб эміграцыі стала для яго вымушаным і далося цяжка. Праваабарончай дзейнасцю ён займаўся з 1998 года. За гэты час на яго неаднаразова аказваўся ціск з боку ўладаў.

"Сёння я на вымушанай "дыстанцыі", — распавядае праваабаронца. — Таксама дапамагаю ўсім тым, з кім быў у кантакце раней".

Цяперашняе месца свайго знаходжання Уладзімір Вялічкін раскрываць не стаў. Ён праходзіць каранцін. У Беларусі ў Вялічкіна засталася жонка.

"Як толькі стане вядома, што з маёй справай, ці яна будзе закрытая, адразу ж вярнуся, — працягвае праваабаронца. — Я не ў тым узросце, каб пачынаць новае жыццё на чужыне".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі