Брэсцкага актывіста Андрэя Шарэнду падазраюць яшчэ і ў абразе прэзідэнта

Андрэй Шарэнда / belsat.eu
Андрэй Шарэнда / belsat.eu

Брэсцкі міжраённы аддзел Следчага камітэта Беларусі распачаў яшчэ адну крымінальную справу ў дачыненні да брэсцкага актывіста Андрэя Шарэнды, паведамілі ў Генеральнай пракуратуры Беларусі. Ён стаў фігурантам крымінальнай справы аб абразе прэзідэнта (ч.1 арт. 368 КК РБ).

Справа была ўзбуджаная па выніках праверкі. Прадметам праверкі было інтэрв'ю ад 29 сакавіка 2021 года, "у якім ад імя мясцовага актывіста Андрэя Шарэнды ўтрымліваюцца заклікі да пратэстаў, а таксама фармулёўкі і выразы, якія публічна абражаюць Прэзідэнта Рэспублікі Беларусь", гаворыцца ў паведамленні Генпракуратруры.

Раней у дачыненні да Андрэя Шарэнду ўжо была ўзбуджаная крымінальная справа па арт. 361 — "заклікі да дзеянняў у шкоду нацыянальнай бяспекі". 17 красавіка дадому да Андрэя прыйшлі з ператрусам сілавікі, канфіскавалі тэхніку.

Нагадаем, што жонка Андрэя Паліна Шарэнда-Панасюк з 3 студзеня знаходзіцца ў СІЗА па справе аб гвалце над міліцыянтам. Па словах Андрэя, Паліна "не прызнае следчых, якія ходзяць да яе, і не дае ніякіх паказанняў, бо лічыць іх злачынцамі". Праваабаронцы прызналі Паліну Шарэнда-Панасюк палітзняволенай.

У пары двое дзяцей.

Брестского активиста Андрея Шарендо подозревают еще и в оскорблении президента
Паліна і Андрэй Шарэнда разам з дзецьмі / svaboda.org

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі