"Белую Русь" хочуць перайменаваць у Партыю народнага адзінства

"Белую Русь" хочуць перайменаваць у Партыю народнага адзінства

Бліжэйшым часам рэспубліканскае грамадскае аб'яднанне "Белая Русь" можа стаць Партыяй народнага адзінства. Пра гэта заявіў намеснік старшыні арганізацыі Аляксандр Шацько ў праграме "Аб'ектыўна" на тэлеканале АНТ.

Гаворкі пра пераўтварэнне "Белай Русі" ў партыю ўзнікаюць з перыядычнасцю ў некалькі гадоў. Шацько паведаміў, што яна магла стаць партыяй яшчэ дзесяць гадоў таму. Але маніторынгу паказаў, што большасць удзельнікаў грамадскага аб'яднання не хочуць такога пераўтварэння: чальцы "Белай Русі" не хацелі займацца палітыкай.

"Мы казалі яшчэ ў 2010 годзе і працягваем казаць далей, што ў нас ёсць працоўная назва — Партыя народнага адзінства. Год, які стаў годам народнага адзінства, вельмі лагічны для нас. І ўся праграма, усе тыя функцыі, да якіх мы падыходзілі, на сённяшні дзень адлюстраваныя ў грамадстве", — заявіў Шацько.

Па яго словах, неўзабаве адбудзецца з'езд арганізацыі, на якім будзе разглядацца і пытанне пра пераўтварэнне яе ў партыю. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі