Беларускія кардыёхірургі правялі ўнікальную аперацыю 8-гадоваму хлопчыку
Беларускія кардыёхірургі ў РНПЦ дзіцячай хірургіі правялі ўнікальную аперацыю 8-гадоваму хлопчыку. У сэрца дзіцяці імплантавалі штучны жалудачак, паведамляе прэс-служба Міністэрства аховы здароўя Беларусі.
Адзначаецца, што падобная аперацыя праведзена ў нашай краіне ўпершыню.
Хлопчык Дзіма знаходзіўся ў спісе чакання на перасадку сэрца, але яго стан рэзка пагоршыўся. Дактары прыйшлі да высновы, што з тымі захворваннямі і ўскладненнямі, якія дыягнаставалі ў дзіцяці, трансплантацыя донарскага сэрца немагчымая. Імплантацыя штучнага жалудачка была адзіным варыянтам. Аперацыю правёў кардыёхірург Канстанцін Драздоўскі, асістэнтам быў яго калега з Турцыі Уміт Керван.
"Нягледзячы на ўсе складанасці правядзення аператыўнага ўмяшання, пасляаперацыйны перыяд праходзіць спакойна", — піша Мінаховы здароўя.
