Беларуская калійная кампанія пракаментавала сектаральныя санкцыі ЕС
Беларуская калійная кампанія працягне працаваць "у існуючых рамках". Так у БКК адрэагавалі на ўвядзенне сектаральных санкцыяў Еўрасаюза, якія абмяжоўваюць экспарт калійных угнаенняў з Беларусі.
З трох кодаў прадукцыі, якую прадае БКК, у дакуменце ЕС згадваюцца два. "Для нас важны кожны від тавару, незалежнас ад аб'ёмаў, якія пастаўляюцца", — цытуе БелаПАН заяву БКК.
Раней у кампаніі казалі, што яна экспартуе каля 20% усяго сусветнага аб'ёму калійных угнаенняў. У БКК лічаць, што санкцыі выклічуць дэфіцыт на рынку калійных угнаенняў.
Як даведалася Еўрарадыё, усё зусім не так: на месца БКК з радасцю гатовыя прыйсці канкурэнты і запоўніць рынак.
