Беларуса і расіяніна асудзілі за кантрабанду ў Польшчу дэталяў да верталёта
За спробу кантрабанды дэталяў да вайсковых верталётаў Мі-24 у Польшчу Праабражэнскі суд Масквы асудзіл беларуса і расіяніна, перадае ТАСС.
Беларус Станкевіч атрымаў два гады калоніі агульнага рэжыму, расіянін Зяленін асуджаны на тры гады калоніі агульнага рэжыму.
Як заявіла следства, мужчыны планавалі адправіць у Польшчу незаконна набытыя камплектуючыя да вайсковых верталётаў. На іх выйшлі супрацоўнікі ФСБ Расіі. Яны і затрымалі незадачлівых прадаўцоў пасля набыцця дэталяў.
