Бацька Сафіі Сапега аплаціў яе штраф
Бацька расіянкі Сафіі Сапега цалкам аплаціў яе штраф — 175 тысяч рублёў. Пра гэта Бі-Бі-Сі паведаміў адвакат сям'і палітзняволенай Антон Гашынскі.
"Аплата штрафу ліквідуе фармальныя перашкоды да памілавання Аляксандрам Лукашэнкам або яе перадачы ў Расію для адбыцця пакарання", — патлумачыў юрыст.
Беларускія сілавікі захапілі Сапега ў траўні 2021-га разам з журналістам Раманам Пратасевічам, калі прымусова пасадзілі ў Мінску борт Ryanair. Яе абвінавацілі ў адміністраванні апазіцыйнага тэлеграм-канала "Чорная кніга Беларусі".
Дзяўчыне прасудзілі 6 год калоніі і вялікі штраф у якасці кампенсацыі “маральнай шкоды пацярпелым” — каля 68 тысяч долараў. Пацярпелымі праходзілі больш за 70 сілавікоў, чыноўнікаў і суддзяў.
Лукашэнка ў чэрвені казаў журналістам, што не выключае перадачу Сапега ў Расію.
