Аналітычны цэнтр NATO: напружанасць паміж Лукашэнкам і Крамлём нарастае
Адносіны паміж уладамі Беларусі і Расіі цяпер не такія добрыя, як можа здавацца, лічаць аналітыкі цэнтра Atlantic Council пры NATO.
Яны не выключаюць паўтор "малдаўскага сцэнару": некалькі гадоў таму Расія і Захад дамовіліся, як "прыбраць" алігарха і палітыка Уладзіміра Плахатнюка.
"Няма ўпэўненасці ў тым, што "малдоўскі сцэнар" сапраўды разглядаецца для Беларусі, але спекуляцыі на гэтую тэму [у некаторых расійскіх крыніцах] адлюстроўваюць прыкметы разладу паміж беларускім дыктатарам Лукашэнкам і яго крамлёўскімі заступнікамі. Па меры росту напружанасці неўзабаве мы можам убачыць некаторыя значныя зрухі ў Беларусі", — гаворыцца ў дакладзе.
