Аляксандр Хацкевіч стаў галоўным трэнерам футбольнага клуба на Кіпры

Аляксандр Хацкевіч стаў галоўным трэнерам футбольнага клуба на Кіпры — "Карміёціса". Ён займае ў мясцовым чэмпіянаце 11-е месца.

Хацкевічу 48 гадоў. Ён — былы вядомы беларускі футбаліст. Трэнерскую кар'еру пачаў у 2007-м. Ачольваў нацыянальную зборную Беларусі (2014-2016). У апошнія гады працаваў з кіеўскім "Дынама", расійскім клубам "Ротор". Жыве ва Украіне. Выступаў з жорсткімі ацэнкамі сітуацыі ў Беларусі, крытычна выказваўся пра беларускіх спартсменаў, удзельнічаў у футбольным матчы ў Варшаве ў падтрымку палітвязня Аляксандра Івуліна.