Афіцыйныя прафсаюзы: выраслі цэны на крупы, дзіцячыя кашы, цукар, гарбату

Афіцыйныя прафсаюзы: выраслі цэны на крупы, дзіцячыя кашы, цукар, гарбату

Ад пачатку года ўбеларускіх крамах істотна падаражэлі некаторыя крупы, дзіцячыя кашы, цукар, кандытарскія вырабы. Пра гэта заяўляе афіцыйная Федэрацыя прафсаюзаў, якая маніторыць кошты ў крамах. 

"З 1 студзеня ў беларускіх крамах сур'ёзна падаражэлі некаторыя крупы, больш за ўсё — манка (на 16,8%) і пшаніца (19,2%). Таксама ўзляцелі цэны на кашы для дзіцячага і дыетычнага харчавання (на 49%), цукар (на 48,2%), кандытарскія вырабы (на 30,2%), рыс (на 29,1%), маргарын (на 25,2%), гарбату чорную байхавую (на 25,1%), сокі (на 22,3%) і некаторыя іншыя тавары", — гаворыцца ў паведамленні ФПБ.

Пры гэтым амаль не змяніўся з пачатку года кошт кураціны, а гуркі, соль і жывая рыба патаннелі на 62,5%, 5,2% і 14% адпаведна.

Прафсаюзныя правяральшчыкі заўважылі таксама знікненне з продажу некаторых тавараў, якія "не карыстаюцца попытам у пакупнікоў". У якасці прыкладу яны называюць жывую рыбу.

У ФПБ адзначаюць, што кошты на тавары ў разных абласцях адрозніваюца. "Напрыклад, у Мінску цэны на локшыну падскочылі аж да 29,4%, хоць сярэдні рост па рэспубліцы, нагадаем, 8,7%. Падобная карціна ў сталіцы па цытрусавай садавіне, якая падаражэла на 21,5% (у сярэднім па краіне на 6,6%), і па сасісках вышэйшага гатунку, якія падаражэлі на 12,7% (у сярэднім па рэспубліцы на 2,6%)", — кажуць у прафсаюзах.

У Віцебскай вобласці выраслі цэны на тавары, якія ў сярэднім па краіне сталі таннейшымі. "Напрыклад, цана перцу салодкага вырасла на 7,6% (у сярэднім па рэспубліцы ўпала на 6,1%), аўсяных шматкоў — на 6,1% (упала на 4, 6%), жывой рыбы — на 1% (упала на 16%)", — пералічваюць у прафсаюзах вынікі маніторынгу.

У ФПБ нават падлічылі, колькі каштуе спажывецкі кошык у розных абласцях. Розніца паміж Магілёўскай вобласцю і Мінскам склала 57 рублёў:
 
Брэсцкая вобласць — 820 рублёў;
Віцебская вобласць — 820,1 рубля;
Гомельская вобласць — 798,7 рубля;
Гродзенская вобласць — 808,5 рубля;
Мінская вобласць — 810,2 рубля;
Магілёўская вобласць — 783,9 рубля;
Мінск — 841,2 рубля.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі