Вы тут

Афіцыйныя прафсаюзы: у Беларусі ўзніклі праблемы з дровамі

У Беларусі ўзніклі праблемы з дровамі / pixabay.com

Пасля ўвядзення еўрапейскіх санкцый супраць расійскіх энерганосьбітаў беларускія афіцыйныя СМІ кінуліся распавядаць, як будуць замярзаць жыхары заходніх краін. Аднак праблемы з ацяпленнем чакаюць саміх беларусаў.

Афіцыйная Федэрацыя прафсаюзаў Беларусі паведамляе, што ў краіне ёсць праблемы з дровамі.

Жыхары прыватных дамоў скардзяцца, што чэргі на закуп дроваў расцягваюцца на чатыры месяцы. Між тым прыватнікі прадаюць тавар у некалькі разоў даражэй. 

Так, у адным з лясгасаў недалёка ад Мінска кажуць, што бярозавыя дровы не прывязуць раней за кастрычнік (на календары чэрвень!). Але пакупніку прапанавалі бярвёны даўжынёй па чатыры метры і не з бярозы. У іншым рае рэкамендуюць паглядзець прыватныя аб'явы.

У іншых раёнах краіны таксама называюць тэрмін у чатыры месяцы. 

Намінальна дровы каштуюць 40-50 рублёў за кубаметр (норма на зіму 4,9 кубаметра). А ў прыватных абвестках кошт бярозавых дроваў даходзіць да 150 рублёў, прычым яны не заўсёды ёсць у наяўнасці. Можна купіць пяць кубаметраў за 450 рублёў, але пры гэты не гаратнуецца тып дроваў.

Федэрацыя прафсаюзаў абяцае разабрацца з цэнамі на дровы для насельніцтва. 

Згодна з даручэннем Лукашэнкі ФПБ маніторыць кошты. Нядаўна яна паведамляла пра рэзкі рост коштаў на прадукты з пачатку года.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.