Адваката Марыі Калеснікавай і Эдуарда Бабарыкі пазбавілі ліцэнзіі

Уладзімір Пыльчанка / кадр з відэа
Уладзімір Пыльчанка / кадр з відэа

Савет Мінскай гарадской калегіі адвакатаў выключыз з свайго складу адваката Уладзіміра Пыльчанку, паведамляе прэс-служба Віктара Бабарыкі. Ён абараняў інтарэсы палітвязняў Марыі Калеснікавай і Эдуарда Бабарыкі.

Без адвакацкай ліцэнзіі Пыльчанка не зможа падаваць скаргі на незаконныя дзеянні службовых асоб, наведваць Калеснікаву ў калоніі, удзельнічаць у пасяджэннях.

"4 гады і 3 месяцы я адпрацаваў адвакатам. І так атрымалася, што большую частку свайго стажа я меў гонар абараняць і рэпрэзентаваць інтарэсы па-сапраўднаму годных і, без перабольшвання, гераічных людзей. Гэта было неверагодна драйвова, хоць невыносна складана і літаральна на мяжы ўласных магчымасцяў", — так пракаментаваў навіну сам Пыльчанка.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі