Адвакат Віталь Брагінец асуджаны на 15 сутак адміністрацыйнага арышту

Адвакат Віталь Брагінец асуджаны на 15 сутак адміністрацыйнага арышту. Суд Партызанскага раёна Мінска прызнаў яго вінаватым у "непадпарадкаванні" міліцыянерам.

Брагінца затрымалі 23 траўня. Пра гэта стала вядома раніцай у аўторак. У Партызанскім РАУС адваката правяралі "на датычнасць да пратэснай дзейнасці", а скончылася ўсё складаннем пратакола.

Раней быў затрыманы мінскі адвакат Аляксандр Данілевіч. Яго затрыманне выклікала розгалас у замежжы.