9 жніўня ў Беларусі будзе да +26
У аўторак, 9 жніўня, у Беларусі прагназуецца пераменная воблачнасць, паведамляе Белгідрамет.
Будзе пераважна без ападкаў, толькі ўдзень месцамі па паўночна-заходняй палове краіны пройдуць кароткачасовыя дажджы, прагрымяць навальніцы. Вецер чакаецца паўночны ад слабога да ўмеранага, пры навальніцах парывісты.
Уначы тэрмометры пакажуць 8-14 цяпла, удзень паветра прагрэецца да +20...+26.
