74-гадовую бабруйчанку асудзілі на 3,5 года — за "абразу і паклёп" на Лукашэнку

Суд Бабруйскага раёна і горада Бабруйска 8 жніўня разгледзеў справу 74-гадовай мясцовай жыхаркі Наталлі Таран. Працэс праходзіў у закрытым рэжыме, паведамляюць праваабаронцы з MAYDAY.

Жанчыну прызналі вінаватай у паклёпе на Аляксандра Лукашэнку (арт. 367 КК), абразе Аляксандра Лукашэнкі (арт. 368 КК), а таксама абразе службовай асобы пры выкананні (арт. 369 КК).

Падрабязнасці суда невядомыя. Вядома толькі, што да прысуду Наталля Таран была пад падпіскай аб нявыездзе і належных паводзінах.

Суддзя Вольга Серакова прысудзіла пенсіянерцы 3 гады і 6 месяцаў калоніі агульнага рэжыму.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.