6 снежня па ўсходзе Беларусі — да -7 градусаў марозу
Вось такое надвор'е ў Беларусі
Уночы на нядзелю, 6 снежня, слупкі тэрмометраў у Беларусі апусцяцца да 7 градусаў марозу. Але толькі на ўсходзе краіны. На захадзе будзе не так холадна — усяго да -5°С. Пра гэта паведамляе Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Уночы ў Беларусі будзе воблачна, з праясненнямі. Удзень чакаецца пераменная воблачнасць, без сур'ёзных ападкаў.
Уночы і раніцай месцамі магчымы слабыя туман і галалёд. На асобных участках дарог — галалёдзіца.
Удзень паветра прагрэецца да +2°С па ўсходзе краіны і да 6 градусаў цяпла на захадзе. У Мінску прагназуецца пераменная воблачнасць, адсутнасць ападкаў і да +1°С.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
