28 ліпеня ў Беларусі будзе да +26

У чацвер, 28 ліпеня, у Беларусі чакаецца пераменная воблачнасць, паведамляе Белгідрамет. 

Уначы і зранку па ўсходзе краіны, а ўдзень у асобных раёнах па паўночным захадзе пройдуць кароткачасовыя дажджы, месцамі прагрымяць навальніцы. Вецер будзе паўночна-ўсходні, усходні слабы да ўмеранага, пры навальніцах парывісты. 

Тэрмометры ўначы пакажуць 8-14 вышэй за нуль, па ўсходзе будзе да +16. Удзень прагназуецца 20-26 цяпла.